გრიგოლ ვაშაძის განცხადებით, პოლიტსაბჭოს სხდომაზე საარჩევნო კამპანიასა და მაჟორიტარებთან დაკავშირებით იმსჯელეს

„ერთიანი ნაციონალური მოძრაობის“ ცენტრალურ ოფისში პოლიტიკური საბჭოს სხდომა გაიმართა, სადაც საარჩევნო კამპანიასთან დაკავშირებულ საკითხებზე იმსჯელეს.

ენმ-ის პოლიტიკური საბჭოს თავმჯდომარის, ნიკა მელიას განცხადებით, ცვლილებების დროა და ამას ხალხი ითხოვს.

„ძალიან ბევრი და მნიშვნელოვანი საკითხი განვიხილეთ. უახლოეს მომავალში ყველა ეს გადაწყვეტილება გადათარგმნილი იქნება კონკრეტულ ქმედებებში საარჩევნო კამპანიის ფარგლებში. დავიწყებთ აქტიურ საარჩევნო კამპანიას ცვლილებებისთვის, ჩვენი შვილების და შვილიშვილების უკეთესი მომავლისთვის. ამ ქვეყანაში ყველა ვთანხმდებით, თუ არ ჩავთვლით ანგარებიან ამომრჩეველს, რომ ცვლილებების დროა და ამას ხალხი ითხოვს“, - განაცხადა მელიამ.

როგორც ენმ-ს თავმჯდომარემ, გრიგოლ ვაშაძემ პოლიტსაბჭოს სხდომის დასრულების შემდეგ განაცხადა, სხდომაზე იმსჯელეს შტაბში ფუნქციების განაწილებაზე და მაჟორიტარი კანდიდატების სტრატეგიაზე - რომელ რეგიონში რომელი მაჟორიტარი შეიძლება სჯობდეს.

„ჯერ არ შევჯერებულვართ, მაგრამ გადაწყვეტილებასთან ახლოს ვართ. ამიტომ ძალიან მალე, როდესაც წარდგენა იქნება, ამას გაიგებთ“, - განაცხადა ვაშაძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან