პოლიტიკური გაერთიანება „ლელო საქართველოსთვის“ გენერალური მდივნის, ბადრი ჯაფარიძის განცხადებით, „ქართულმა ოცნებამ” თავისი პოლიტიკით საქართველოს ოკუპაციის საკითხი მსოფლიო პოლიტიკის დღის წესრიგიდან მოხსნა.
როგორც ჯაფარძემ ჟურნალისტებს განუცხადა, ბოლო 8 წლის განმავლობაში “ქართული ოცნებას“ არცერთი ქმედითი ნაბიჯი არ გადაუდგამს, რათა დეოკუპაციის პროცესი დაწყებულიყო ან შემსუბუქებულიყო ოკუპირებულ ტერიტორიებზე მცხოვრებთა მდგომარეობა.
„ქართულმა ოცნებამ“ ეს საკითხი, სამწუხაროდ, საერთოდ მოხსნა დღის წესრიგიდან საერთაშორისო არენაზე. ჩვენ დღეს შეგვიძლია ვთქვათ, რომ საქართველოს ტერიტორიების ოკუპაციის საკითხი „ქართული ოცნების” სრულიად უნიათო და მიზანდასახული პოლიტიკის გამო აღარ არის მსოფლიო პოლიტიკის დღის წესრიგში და ჩვენ ეს უნდა დავაბრუნოთ”,- განაცხადა ჯაფარიძემ.
ცნობისთვის, რუსეთ-საქართველოს 2008 წლის აგვისტოს ომიდან 12 წელი გავიდა.