მაია ბუწაშვილი - დღეს არსებული დინამიკით, 2020 წლის ბოლოს, ან 2021 წლის დასაწყისში კორონავირუსის ვაქცინა უნდა იყოს საბოლოო სახით ფორმირებული

დღეს არსებული დინამიკით, 2020 წლის ბოლოს, ან 2021 წლის დასაწყისში კორონავირუსის ვაქცინა უნდა იყოს საბოლოო სახით ფორმირებული. შემდეგი ჯერი მწარმოებელ კომპანიებზე იქნება, რამდენად სწრაფად დააკმაყოფილებენ მოთხოვნას,- ამის შესახებ ინფექციონისტმა მაია ბუწაშვილმა პრესკონფერენციაზე განაცხადა, სადაც ქვეყანაში ახალი კორონავირუსის მიმდინარეობაზე ისაუბრა.

ინფექციონისტის განცხადებით, ვიდრე ჯანდაცვის მსოფლიო ორგანიზაცია ახალი კორონავირუსის პანდემიას დასრულებულად არ გამოაცხადებს, დამშვიდების საფუძველი არ არის.

„საბედნიეროდ, ჩვენთან სიტუაცია სტაბილურია. ეპიდისტუაცია მოკლედ შეიძლება შეფასდეს, როგორც ძალიან კარგი. შემთხვევების საერთო და დღე-ღამური რიცხვი ძალიან დაბალია, როგორც რეგიონის სხვა ქვეყნებთან შედარებით, ასევე, საერთოდ, მსოფლიოს საშუალო შემთხვევებთან შედარებით.

იმედია, ასე შენარჩუნდება. იყო პერიოდი, როდესაც ჩვენი მოსახლეობა თითქოს დამშვიდდა - „კორონა დავამარცხეთ“ ეს არარეალისტური იყო. სანამ პანდემია გრძელდება და ჯანდაცვის მსოფლიო ორგანიზაციას არ გამოუცხადებია პანდემიის დასასრული, ჩვენ რისკის წინაშე ვრჩებით. თუმცა, სიტუაცია სტაბილური რჩება“,-განაცხადა მაია ბუწაშვილმა.

მისივე თქმით, კორონავირუსის რამდენიმე ვაქცინა გადავიდა კლინიკური გამოცდის ფაზაზე და შედეგები იმედისმომცემია.

„როგორც კი გრიპის ვაქცინაცია დაიწყება, მოსახლეობამ აუცილებლად უნდა ჩაიტაროს. რა თქმა უნდა, გრიპის ვაქცინა არ შველის კორონავირუსს, მაგრამ გრიპისგან მაინც დავიცვათ თავი, რომ არ მოხდეს ორი პრობლემის ერთმანეთზე ზედდება.

კორონავირუსის ვაქცინაზე უფრო მეტია მოლოდინი, ვიდრე მედიკამენტებზე. ჯერჯერობით ლიდერი ვაქცინები, რომელიც დაწინაურდა და გადავიდა კლინიკური გამოცდის შემდეგ ფაზაზე, ძალიან იმედისმომცემ მონაცემებს წერს. ათასობით ადამიანს ჩაუტარდა და გვერდითი მოვლენები მინამალურია, იმუნური პასუხი კარგია“,- ამბობს ინფექციონისტი.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს