გიორგი კახიანი - კომიკური ვითარებაა, რაც ოპოზიციურ ფლანგზე ხდება - ვერ შეთანხმდნენ, ვინ იქნება პრემიერ-მინისტრი

ვერ შეთანხმდნენ, ვინ იქნება პრემიერ-მინისტრი. ჩემი გადმოსახედიდან, კომიკური ვითარებაა, რაც ოპოზიციურ ფლანგზე ხდება, - ამის შესახებ „ქართული ოცნების“ დეპუტატმა, გიორგი კახიანმა “პალიტრანიუსის“ გადაცემა „ნიუსრუმში" განაცხადა.

როგორც მან საპარლამენტო არჩევნებთან დაკავშირებით აღნიშნა, მნიშვნელოვანია პროგრამა, რომელსაც ამომრჩეველს შესთავაზებენ და არა ის, თუ ვინ იქნებიან კანდიდატები.

„მოგეხსენებათ, მაჟორიტარებს თავისი სპეციფიკა აქვთ. მაჟორიტარების შერჩევისას ვხელმძღვანელობთ იმით, რომ კონკრეტულ რეგიონებში შესაბამისი კანდიდატები ადგილობრივი მოსახლეობის მხარდაჭერით და ავტორიტეტით უნდა სარგებლობდნენ. პროპორციულ სიაში რა თქმა უნდა, მეტი შესაძლებლობა იქნება იმის, რომ იქ იყვნენ წარმოდგენილნი ახალი სახეები. ეს პროცესი მიმდინარეობს. ძალიან მალე შესაბამის სიას წარვადგენთ.

სამწუხაროდ, ოპოზიციურ ფლანგზე მაჟორიტარულ ოლქებს ვერ იყოფენ. ვერ შეთანხმდნენ იმაზე, ვინ იქნება პრემიერ მინისტრი და ასე შემდეგ. ჩემი გადმოსახედიდან, კომიკური ვითარებაა, რაც ოპოზიციურ ფლანგზე ხდება. ჩვენთვის ეს მთავარი კი არაა, თუ ვინ იქნებიან კანდიდატები, მთავარია ის პროგრამა, რომელიც თითქმის მზად გვაქვს“, - განაცხადა გიორგი კახიანმა.

იხილეთ ვიდეო:

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის