ეუთო-ში აშშ-ის მისია რუსეთ-საქართველოს ომის 12 წლისთავს ეხმიანება და აცხადებს, რომ რუსეთმა 2008 წლის ცეცხლის შეწყვეტის შესახებ შეთანხმებით გათვალისწინებული ვალდებულებები სრულად უნდა შეასრულოს და საქართველოდან საკუთარი ჯარი უნდა გაიყვანოს.
„12 წელი გავიდა მას შემდეგ, რაც რუსეთმა საქართველოში აგრესია და ოკუპაცია დაიწყო. კიდევ ერთხელ მოვუწოდებთ რუსეთს, 2008 წლის ცეცხლის შეწყვეტის შესახებ შეთანხმებით გათვალისწინებული ვალდებულებები სრულად შეასრულოს, მათ შორის საკუთარი ჯარი კონფლიქტამდე არსებულ პოზიციებამდე გაიყვანოს,“- აღნიშნულია განცხადებაში.