გიგი უგულავა - ივანიშვილის პირობებში საქართველო ვერ დააღწევს თავს საბჭოთა მენტალობას და  რუსეთის ორბიტას

პუტინის რუსეთი არის დამოუკიდებელი და თავისუფალი საქართველოს მტერი და აქ არ შეიძლება არსებობდეს ორი აზრი”, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ ენგურის ხიდზე, აგვისტოს ომიდან 12 წლისთავთან დაკავშირებით განაცხადა.

უგულავას თქმით, საქართველო არასდროს იქნება დაჩოქილი, ყოველთვის იბრძოლებს თავისუფლებისთვის, დემოკრატიისთვის, მშვიდობისთვის და კეთილდღეობისთვის.

„ეს არის საქართველოს უახლეს ისტორიაში ერთ-ერთი ყველაზე ამაღელვებელი და ტრაგიკული დღე, როდესაც რუსეთის ფედერაცია შემოიჭრა ჩვენს ქვეყანაში და დაგვიტოვა ტკივილი, დახოცილი ადამიანები, უამრავი დევნილი და გააცოცხლა ის ჭრილობა, რომელიც 90-იანი წლებიდან გვტანჯავდა. ადამიანები, რომლებიც ამ დღეს დაგვაკლდნენ ზეციურ საქართველოს შეუერთდნენ, ამ ადამიანების ხსოვნა ჩვენი ვალია და ამ ადამიანების დაწყებული საქმე ჩვენი გასაკეთებელი იქნება, სანამ მიზანი არ იქნება ბოლომდე მიყვანილი. ზუგდიდში განსაკუთრებით იგრძნობა ოკუპაციის სიმძიმე და ოკუპაციის ცოდვა, აქედან ერთი ხელის გაწვდენაზეა ოკუპირებული აფხაზეთი, მაგრამ მთავარი ბრძოლა მოგვიწევს ჩვენი ქვეყნის თავისუფლებისთვის”, - განაცხადა უგულავამ.

მისივე თქმით, ამასთანავე, დღეს საქართველოს აქვს ისეთი გამოწვევა, რომელიც მოიცავს ქვეყნის თავისუფლებას და დემოკრატიას.

„აფხაზეთი და სამაჩაბლო საქართველოს ნაწილია, მაგრამ, ამასთანავე, გამოწვევა დღეს, რომელიც ჩვენ ქვეყანას აქვს, მოიცავს მთლიანად ჩვენს თავისუფლებას და ჩვენს დემოკრატიას. საქართველოს დღეს მართავს ადამიანი, რომელიც არის მენტალურად საბჭოთა, გეოპოლიტიკურად რუსი, საზოგადოებრივად აღზევებული მდაბიო და პერსონალურად მატყუარა. პირველი ორი კომპოტენტია ამ შემთხვევაში ჩვენთვის მთავარი. ივანიშვილის პირობებში საქართველო ვერ დააღწევს თავს პირველი - საბჭოთა მენტალობას და საბჭოთა ტრადიციას და მეორე - რუსეთის ორბიტას. ეს კარგად უნდა გვესმოდეს და ეს არჩევანია დღეს გასაკეთებელი აქ ზუგდიდში და მთელ საქართველში. ჩვენ შეგვრცხვება იმ მსხვერლის, რომელიც ქვეყანამ გაიღო, თუ 12 წლის შემდეგ შევეგუებით იმას, რომ გეოპოლიტიკურად რუსი მართავს დღეს ქვეყანას“, - განაცხადა უგულავამ.

ცნობისთვის, რუსეთ-საქართველოს 2008 წლის აგვისტოს ომიდან 12 წელი გავიდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი