მამუკა ხაზარაძე - „ქართულმა ოცნებამ“ გააღატაკა ქვეყანა, გააღარიბა მშობლები და დღეს მათ შვილებზე გროშების დარიგებით უნდა, რომ არჩევნები მოიგოს

პოლიტიკური მოძრაობა „ლელო საქართველოსთვის“ ლიდერის მამუკა ხაზარაძის განცხადებით, ყველანაირი ფინანსური დახმარება კარგია, თუ მას მოაქვს გრძელვადიანი ეფექტი. ხაზარაძის შეფასებით, „ქართულმა ოცნებამ“ გააღარიბა მშობლები და ახლა მათ შვილებზე გაცემული მცირე დახმარებით სურს არჩევნების მოგება.

„ქართულმა ოცნებამ“ გააღატაკა ეს ქვეყანა. გააღატაკა და გააღარიბა მშობლები და დღეს მათ შვილებზე რაღაც გროშების დარიგებით უნდა, რომ არჩევნები მოიგოს. კიდევ ერთხელ ვიმეორებ, მე ვემხრობი ნებისმიერ მხარდაჭერას თუ ამას მოაქვს რაღაც გრძელვადიანი ეფექტი. დღეს „ქართულმა ოცნებამ“ მისი პრემიერის თამადობით თქვა, რომ ქვეყანა შედის ეკონომიკურ კრიზისში. ქვეყანა შესული იყო ეკონომიკურ კრიზისში პანდემიამდე, ქვეყანა გაღარიბებული იყო პანდემიამდე და უბედურება ის არის, რომ „ოცნების“ გასტუმრების მერე, ჩვენი და თითოეული თქვენგანის გადასახდელი იქნება ის ვალი, რომლებიც მათ აიღეს ქვეყანაში. ბიუჯეტის თითქმის 50% ვალით არის შედგენილი და ეს ვალი ისე გაანიავეს ამ წინასაარჩევნო საჩუქრებით, რომ ქვეყნა ჩააგდეს უფრო მძიმე მდგომარეობაში, ვიდრე ის იყო პანდემიამდე,“- განაცხადა მამუკა ხაზარაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს