ლონდა თოლორაია - რეგიონებში სახელმწიფო ინსპექტორის სამსახურის საქმიანობის გააქტიურება და საზოგადოების ცნობიერების ამაღლება სამსახურის ერთ-ერთი მთავარი პრიორიტეტია

სახელმწიფო ინსპექტორმა ლონდა თოლორაიამ და სამსახურის სხვა წარმომადგენლებმა მორიგი რეგიონული შეხვედრა ახალციხეში მოქმედ საჯარო უწყებებისა და სამოქალაქო სექტორის წარმომადგენლებთან გამართეს. როგორც „ინტერპრესნიუსს“ სახელმწიფო ინსპექტორის სამსახურიდან აცნობეს, ეს უკვე რიგით მეხუთე რეგიონია, რომელსაც სახელმწიფო ინსპექტორი თავის გუნდთან ერთად ესტუმრა.

„სახელმწიფო ინსპექტორის სამსახურის ოფისები ამ ეტაპზე მხოლოდ ქ. თბილისსა და ქ. ქუთაისში მდებარეობს. ჩვენი მიზანია სამსახური თანაბრად ხელმისაწვდომი იყოს საქართველოს მთელ ტერიტორიაზე და რეგიონის მოსახლეობა კარგად იცნობდეს სამსახურის საქმიანობას. რეგიონების დაფარვის გაფართოება და ადგილობრივ ორგანოებთან, ორგანიზაციებთან თანამშრომლობის გააქტიურება სამსახურის ერთ-ერთი მთავარი პრიორიტეტია“ - განაცხადა ლონდა თოლორაიამ.

სახელმწიფო ინსპექტორის სამსახურის ინფორმაციით, შეხვედრების მიზანი სახელმწიფო ინსპექტორის სამსახურის საქმიანობის შესახებ მონაწილეთა ინფორმირება, არსებულ გამოწვევებზე მსჯელობა, რეგიონებში არსებულ სახელმწიფო უწყებებთან და ადგილობრივ ორგანიზაციებთან თანამშრომლობის გაღრმავებაა.

„შეხვედრებზე აქტიურად განიხილება ის ძირითადი გამოწვევები, რომლებსაც სამსახური თავისი ფუნქციების განხორციელების პროცესში ხედავს. შეხვედრის მონაწილე საჯარო უწყებებისა და არასამთავრობო ორგანიზაციების წარმომადგენლებმა დასვეს კითხვები და გამოთქვეს მოსაზრებები მათთვის აქტუალურ საკითხებზე, როგორც საგამოძიებო, ასევე პერსონალურ მონაცემთა დაცვის მიმართულებით. სახელმწიფო ინსპექტორის სამსახური მსგავსი ტიპის შეხვედრებს საქართველოს ყველა რეგიონში გამართავს.

ღონისძიებები ევროპის საბჭოს ,,არასრულწლოვან და ზრდასრულ თავისუფლებააღკვეთილ პირთა მხარდაჭერის" პროექტისა და გაეროს ადამიანის უფლებათა უმაღლესი კომისრის ოფისის მხარდაჭერით იმართება“, - აღნიშნულია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი