კლიმატის ცვლილებისადმი ადაპტაციის მიზნით გასატარებელი ღონისძიებების შესახებ სამუშაო შეხვედრა გაიმართა

კლიმატის ცვლილებით გამოწვეული საფრთხეებისა და ამ ცვლილებისადმი ადაპტაციის მიზნით საქართველოში გასატარებელი ღონისძიებების შესახებ ყვარელში სამუშაო შეხვედრა გაიმართა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე ნინო წილოსანი და UNDP-ის ხელმძღვანელი ლუიზა ვინტონი ესწრებოდნენ.

„გაერო-ს განვითარების პროგრამის მიერ მოწვეულმა ექსპერტებმა კლიმატური კატასტროფების მართვასა და ადრეული შეტყობინების სისტემების მნიშვნელობაზე ისაუბრეს. შეხვედრის მონაწილეებმა ამ სფეროში საერთაშორისო პრაქტიკასა და საქართველოში აღნიშნული მექანიზმების დანერგვისთვის აუცილებელ ნაბიჯებზე იმსჯელეს. აღინიშნა, რომ ადაპტაციასთან დაკავშირებული ზომების გატარება მნიშვნელოვნად შეამცირებს ზარალს და ხელს შეუწყობს მაღალი რისკის ზონებში მცხოვრებთა უსაფრთხოებას.

როგორც გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა შეხვედრაზე აღნიშნა, საქართველოს მთავრობა კლიმატის ცვლილებებისადმი ადაპტაციის მიმართულებით მნიშვნელოვან ღონისძიებებს და რეფორმებს ატარებს, მათ შორის, საკანონმდებლო დონეზე.

2019 წლიდან, საქართველოში ხორციელდება ფართომასშტაბიანი ინიციატივა, რომელიც მიზნად ისახავს მოსახლეობის დაცვას კლიმატის ცვლილებით გამოწვეული კატასტროფებისგან. ამ შვიდწლიანი პროგრამის შესრულების შედეგად, გაიზრდება მოსახლეობის მედეგობა კლიმატური საფრთხეების მიმართ, შემცირდება კლიმატური კატასტროფების ზეგავლენა ინფრასტრუქტურასა და საარსებო გარემოზე, ხოლო 1.7 მილიონი ადამიანი უკეთ იქნება დაცული წყალდიდობისგან, წყალმოვარდნისგან, გვალვისა და სხვა კლიმატური საფრთხისგან. შვიდწლიანი ინიციატივა „კლიმატის ცვლილებით გამოწვეული კატასტროფების რისკების შემცირება საქართველოში“ ხორციელდება საქართველოს მთავრობისა და გაეროს განვითარების პროგრამის (UNDP) მიერ კლიმატის მწვანე ფონდის (GCF), შვეიცარიის განვითარებისა და თანამშრომლობის სააგენტოს (SDC) და შვედეთისა და საქართველოს მთავრობების დაფინანსებით. პროგრამის ბიუჯეტი 70 მილიონ აშშ დოლარს აღემატება.

სამუშაო შეხვედრა, რომელსაც საქართველოს მთავრობისა და პარლამენტის წარმომადგენლები ესწრებოდნენ, გაეროს განვითარების პროგრამის (UNDP) ორგანიზებით, გარემოს დაცვისა და სოფლის მეურნეობის სამინისტროსთან თანამშრომლობით და კლიმატის მწვანე ფონდის (GCF), შვეიცარიისა და შვედეთის მთავრობების ფინანსური ხელშეწყობით გაიმართა“,- აღნიშნულია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი