ნათია თურნავა არ გამორიცხავს, რომ მთავრობამ იმ ქვეყნებისთვის საზღვრის გახსნის საკითხს გადახედოს, რომელთა მოქალაქეებს საქართველოში შემოსვლა უპირობოდ შეუძლიათ

ეკონომიკისა და მდგრადი განვითარების მინისტრი ნათია თურნავა არ გამორიცხავს, რომ საქართველომ, ეპიდსიტუაციის გათვალისწინებით, იმ ქვეყნებისთვის საზღვრის გახსნის საკითხს გადახედოს, რომელთა მოქალაქეებს ამ დროისთვის ქვეყანაში შემოსვლა უპირობოდ შეუძლიათ.

როგორც მან „პალიტრანიუსის“ გადაცემა „დღის ნიუსრუმში“, საფრანგეთში გართულებულ ეპიდემიოლოგიურ მდგომარეობასთან დაკავშირებულ შეკითხვაზე საპასუხოდ განაცხადა, თავად ევროკავშირი უსაფრთხო ქვეყნების კორექტირებას ორ კვირაში ერთხელ აკეთებს, საქართველოს კი ამაზე მსჯელობა, ყოველდღიურად შეუძლია.

„მე ეკონომიკის მინისტრი ვარ, შესაბამისად, სრულად ვეყრდნობით ჩვენი ექიმების, ჯანდაცვის სამინისტროსა და ეპიდემიოლოგების რეკომენდაციებს. რა თქმა უნდა, კვლავაც გვიჭირავს პულსზე ხელი. ევროკავშირი ამ კორექტირებას ორ კვირაში ერთხელ აკეთებს. ჩვენ ყოველდღიურად შეგვიძლია ამაზე მსჯელობა. ჩვენი ეპიდემიოლოგები რა მომენტშიც კი დაინახავენ რომელიმე ქვეყანასთან საფრთხეს, უნდა გადაიხედოს ურთიერთობის რეჟიმი, ჩვენ იძულებულები ვიქნებით, ეს გავაკეთოთ. დიდი იმედი მაქვს, ქვეყნებმაც ისწავლეს, როგორ უნდა მართონ ეს გამოწვევები. იმედი მაქვს, რომ ეს არ დაგვჭირდება, მაგრამ თუ დაგვჭირდა, ჩვენ ამ გადაწყვეტილებას მივიღებთ ადამიანების ჯანმრთელობის უპირატესი ამოცანიდან გამომდინარე“,- განაცხადა თურნავამ.

შეგახსენებთ, რომ საქართველომ 5 ქვეყანას: გერმანიას, საფრანგეთს, ლატვიას, ლიეტუვას და ესტონეთს საზღვარი უპირობოდ გაუხსნა. აღსანიშნავია ისიც, რომ გერმანიასა და საფრანგეთში კორონავირუსით ინფიცირების შემთხვევების ზრდა შეინიშნება, მათ შორის საფრანგეთში გუშინ ინფიცირების რეკორდულად მაღალი დღიური მაჩვენებელი დაფიქსირდა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან