აშშ-ის ხელისუფლებამ ჰონგ-კონგის აღმასრულებელ ხელისუფალს კერი ლამსა და ჰონგ-კონგის მთავრობის 10 ოფიციალურ პირს სანქციები დაუწესა. ამ ინფორმაციას BBC-ი ავრცელებს.

გამოცემის ცნობით, სანქციების დაწესების მიზეზი აღნიშნული პირების ოფიციალურ პეკინთან ზედმეტი ლოიალობაა, რითაც ჰონგ-კონგის მცხოვრებლების უფლებები და თავისუფლებები იზღუდება.

აშშ -ის სახაზინო მდივნის, სტივენ მნუჩინის თქმით, აშშ ჰონგ-კონგის მოსახლეობის გვერდით დგას და მათ მხარს უჭერს.

შეგახსენებთ, 30 ივნისს ჩინეთის ხელისუფლებამ უსაფრთხოების ახალი კანონი მიიღო, რომლის მიხედვითაც ჰონგ-კონგში სეპარატიზმის მოწოდება დასჯადი გახდა.