სენატორი რონ ჯონსონი - აშშ განაგრძობს საქართველოს გვერდით დგომას რუსეთის აგრესიის ფონზე, რუსეთმა ჯარი კონფლიქტამდელ პოზიციებზე უნდა დააბრუნოს
ამერიკელი სენატორი „რესპუბლიკური პარტიიდან“ რონ ჯონსონი რუსეთ-საქართველოს აგვისტოს ომის 12 წლისთავს ეხმიანება და აცხადებს, რომ შეერთებული შტატები საქართველოს გვერდით დგომას განაგრძობს.
„რუსეთის საქართველოში შეჭრიდან 12 წლის თავზე აშშ განაგრძობს საქართველოს გვერდით დგომას რუსეთის აგრესიის ფონზე. რუსეთმა საკუთარი ძალები კონფლიქტამდელ პოზიციებამდე უნდა გაიყვანოს“, – წერს რონ ჯონსონი სოციალურ ქსელ „ტვიტერში“.
