თბილისის ცენტრალური ინფექციური საავადმყოფოს სამედიცინო დირექტორის, მარინა ეზუგბაიას განცხადებით, დღეს დამატებული კორონავირუსის სამივე ახალი შემთხვევა შემოტანილია, მათ შორის 2 პაციენტი, ვისაც ვირუსის არსებობა დაუდასტურდა სატვირთო ავტომობილის მძღოლია.
„გუშინდელი მონაცემებით, ქვეყანაში იყო 1213 დადასტურებული შემთხვევა, დაგვემატა მხოლოდ 3 შემთხვევა, გამოჯანმრთელებულების რაოდენობა მხოლოდ 2-ით გაიზარდა და გახდა 996. ამ მონაცემებით, დღევანდელ დღეს კოვიდცენტრებში მკურნალობს 241 კოვიდდადასტურებული პაციენტი. გამოჯანმრთელებულების პროცენტული რაოდენობა არის 82%.
ეს სამივე დადასტურებული ახალი შემთხვევა არის იმპორტირებული ანუ შემოტანილი შემთხვევები და აქედან 2 სატვირთო მანქანის მძღოლია. ჩვენს ცენტრში უცვლელი მდგომარეობაა, გუშინ იყო 31 დადასტურებული პაციენტი, ახალი არ შემოსულა, არც გამოჯანმრთელებულა. მათი მდგომარეობა ფასდება საშუალო და საშუალოზე მსუბუქად,“- განაცხადა მარინა ეზუგბაიამ.