ლიბანის დედაქალაქ ბეირუთში მაშველები 60-ზე მეტ დაკარგულ მოქალაქეს ამ დრომდე ეძებენ.
„დაღუპულია 154 ადამიანი, მათ შორის 25-ის იდენტიფიცირება არ მომხდარა. 60-ზე მეტი ადამიანი კი - დაკარგულია,“- განაცხადა ლიბანის ჯანდაცვის სამინისტროს ოფიციალურმა წარმომადგენელმა სააგენტო „ფრანს-პრესთან“ საუბარში.
მისივე თქმით, 5 000 დაშავებულიდან 120-ის მდგომარეობა კრიტიკულია.
შეგახსენებთ, ლიბანის დედაქალაქ ბეირუთის პორტში ძლიერი აფეთქება სამშაბათს მოხდა.