ირაკლი ღარიბაშვილი - ყველაფერს გავაკეთებთ იმისთვის, რომ ომი, ნგრევა და ოკუპაცია მომავალში არ განმეორდეს

ყველაფერს გავაკეთებთ იმისთვის, რომ ასეთი მძიმე განსაცდელი, როგორიც არის ომი, ნგრევა და ოკუპაცია, მომავალში არ განმეორდეს, -ამის შესახებ საქართველოს თავდაცვის მინისტრმა, ირაკლი ღარიბაშვილმა მუხათგვერდის ძმათა სასაფლაოზე ჟურნალისტებთან განაცხადა.

თავდაცვის მინისტრის თქმით, ქვეყანას ჰყავს გმირი სამხედროები, რომლებმაც თავი გასწირეს სამშობლოსთვის, დამოუკიდებლობისთვის.

„ოკუპაციის შედეგები უმძიმესია. მინდა ვთქვა, რომ ჩვენი მთავრობა, ჩვენი გონივრული პოლიტიკით ყველაფერს გავაკეთებთ იმისთვის, რომ ასეთი მძიმე განსაცდელი, როგორიც არის ომი, ნგრევა და ოკუპაცია, მომავალში არ განმეორდეს. ეს არის ტრაგედია, რომელიც უნდა დასრულდეს.

რუსეთი არის ოკუპანტი, ჩვენ გავაკეთებთ ყველაფერს, რომ ჩვენ მოსახლეობას თავიდან ავაცილოთ პრობლემები. ჩვენ ვნახეთ ჩვენი გმირი სამხედროების ოჯახები, რომლებიც განდგურებულები არიან. ეს არის ის უმძიმესი მემკვიდრეობის შედეგი, რომელიც სააკაშვილის ხელისუფლებამ დაუტოვა ჩვენს მთავრობას.

კარგად მახსოვს უპასუხისმგებლო, მოღალატე პოლიტიკოსების განცხადებები, მათი მოღალატეობრივი ქმედებები ომის დროს, როდესაც გმირი სამხედროები ყველაზე გმირულად იბრძოდნენ, თავი გასწირეს ქვეყნისთვის. ვნახეთ, როგორ გამორბოდნენ, მთავარსარდალი, რომელიც მიწაზე გართხმული იხილა ჯარმა და მთელმა ქვეყანამ", -განაცხადა ღარიბაშვილმა.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს