მიხეილ ჩხენკელი - ქედს ვიხრი საქართველოს ერთიანობისა და მისი ბედნიერი მომავლისთვის მებრძოლი გმირების წინაშე, მათი თავდადების მაგალითზე მომავალი თაობები გაიზრდებიან!

ჩვენ ვრჩებით კონფლიქტების მოგვარების მშვიდობიანი, დიპლომატიური გზის ერთგულნი და გვჯერა, რომ ქვეყნის ერთიანობის აღსადგენად ჩვენი ხელისუფლების პოლიტიკას ალტერნატივა არ გააჩნია, - ამის შესახებ განათლების, მეცნიერების, კულტურისა და სპორტის მინისტრმა მიხეილ ჩხენკელმა მუხათგვერდის ძმათა სასაფლაოზე განაცხადა, სადაც პრეზიდენტმა, პარლამენტის თავმჯდომარემ, პრემიერ-მინისტრმა და მინისტრთა კაბინეტის წევრებმა აგვისტოს ომში დაღუპულ გმირთა მემორიალი გვირგვინით შეამკეს და გარდაცვლილთა ხსოვნას პატივი მიაგეს.

მინისტრის განმარტებით, ქართული საზოგადოება ოკუპაციას არასდროს შეეგუება. ამასთანავე, ჩხენკელმა აღნიშნა, რომ ოკუპაციისა და მისგან გამომდინარე ყველა შედეგის დასაძლევად გრძელდება თანმიმდევრული, მიზანდასახული მუშაობა მეგობარ და პარტნიორ ქვეყნებთან.

„დღეს ჩვენ 2008 წლის აგვისტოს მძიმე დღეებს ვიხსენებთ და პატივს მივაგებთ გმირი ჯარისკაცებისა და მშვიდობიანი მოქალაქეების ნათელ ხსოვნასა და თავგანწირვას.

ქართული საზოგადოება არასდროს შეეგუება ოკუპაციას. ოკუპაციისა და მისგან გამომდინარე ყველა შედეგის დასაძლევად ვაგრძელებთ თანმიმდევრულ, მიზანდასახულ მუშაობას მეგობარ და პარტნიორ ქვეყნებთან, მთლიანად საერთაშორისო თანამეგობრობასთან. ამავდროულად, ვაძლიერებთ მუშაობას დემოკრატიული ღირებულებების განსამტკიცებლად და მოქალაქეთა კეთილდღეობის უზრუნველსაყოფად. დარწმუნებული ვარ, ჩვენი განვითარება და ეკონომიკური სიძლიერე არის ის, რამაც კვლავ უნდა გაგვაერთიანოს ჩვენს აფხაზ და ოს თანამოძმეებთან.

კიდევ ერთხელ, ქედს ვიხრი საქართველოს ერთიანობისა და მისი ბედნიერი მომავლისთვის მებრძოლი გმირების წინაშე, მათი თავდადების მაგალითზე მომავალი თაობები გაიზრდებიან!“ - განაცხადა საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი პარტნიორი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი