ალექსანდრე ლუკაშენკო მიიჩნევს, რომ ქვეყანას სამოქალაქო ომი და ქაოსი არ ემუქრება

ბელარუსის მოქმედი პრეზიდენტი და პრეზიდენტობის კანდიდატი ალექსანდრე ლუკაშენკო მიიჩნევს, რომ არჩევნების დასრულების შემდეგ ქვეყანას ქაოსი და სამოქალაქო ომი არ ემუქრება. ამის შესახებ მან საარჩევნო უბანზე განაცხადა, სადაც ის კენჭისყრაში მონაწილეობისთვის მივიდა.

„ჩვენ ვითვალისწინებთ ყველა ვარიანტს, რომელთა სათანადოდ არ შეფასება შეუძლებელია. თუმცა, იმის თქმა, რომ ხვალიდან ქვეყანაში ქაოსი, შეტაკებები, სამოქალაქო ომი დაიწყება, ამის საფუძველი არ არსებობს“ , - განუცხადა ლუკაშენკომ ჟურნალისტებს.

9 აგვისტოს, ბელარუსში საპრეზიდენტო არჩევნები მიმდინარეობს. ალექსანდრე ლუკაშენკოსთვის, რომელიც ქვეყანას 1994 წლიდან მართავს, ეს მეექვსე საპრეზიდენტო არჩევნებია.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა