ჭიათურაში ძარცვა მოხდა. არსებული ინფორმაციით, შეიარაღებული პირები ბენზინგასამართ სადგურზე შეიჭრნენ და ადგილზე მყოფ ოპერატორს მუქარის ძალით თანხა მოსთხოვეს. წაღებულია რამდენიმე ასეული ლარი.

ადგილზე იმყოფებოდნენ ექსპერტ-კრიმინალისტები, დაწყებულია გამოძიება.

სადგურის თანამშრომელი გამოკითხვაზე ჰყავთ გადაყვანილი.

შინაგან საქმეთა სამინისტროს ინფორმაციით, ფაქტზე გამოძიება 178-ე მუხლით დაიწყო, რაც ძარცვას გულისხმობს.