ბელარუსში საპრეზიდენტო არჩევნები შედგა. ქვეყნის ცენტრალური საარჩევნო ადმინისტრაციის ხელმძღვანელის ლიდია ერმოშინას ინფორმაციით, 12:00 საათის მონაცემებით, ხმა მისცა 54 %-ზე მეტმა ამომრჩეველმა.

ბელარუსის კანონმდებლობით, არჩევნები შემდგარია, თუკი კენჭისყრაში რესპუბლიკის მასშტაბით ამომრჩეველთა ნახევარზე მეტი მიიღებს მონაწილეობას.

ქვეყნის მოქმედმა პრეზიდენტმა და საპრეზიდენტო კანდიდატმა ალექსანდრ ლუკაშენკომ ხმის მიცემის შემდეგ, ჟურნალისტების კითხვებს უპასუხა.

მისი თქმით, მას იმედი აქვს, რომ ამომრჩეველი მას კიდევ ერთი ვადით აირჩევს. თუმცა, აცხადებს, რომ „არ იქნებოდა ასეთი ერთმნიშვნელოვანი“.

„რაც შეეხება გამარჯვებაში დარწმუნებულობის საკითხს, მე არ ვიქნებოდი ასეთი ერთმნიშვნელოვანი. მე ვიმედოვნებ!“, - განაცხადა ლუკაშენკომ.