უნგრეთში სამგზავრო ავტობუსის ავარიის შედეგად ერთი ადამიანი დაიღუპა, 34 დაშავდა
უნგრეთში სამგზავრო ავტობუსის ავარიის შედეგად, ერთი ადამიანი დაიღუპა, 34 კი დაშავდა. ამის შესახებ ადგილობრივი მედია იუწყება.
მათი ინფორმაციით, ავტობუსში პოლონეთის მოქალაქეები იმყოფებოდნენ, რომლებიც ბულგარეთიდან მიემგზავრებოდნენ. ტრანსპორტში 46 ადამიანი იყო, მათ შორის ორი მძღოლი. მგზავრებს შორის ორი ბავშვია, რომელთა მდგომარეობა დამაკმაყოფილებელია და მათ სიცოცხლეს საფრთხე არ ემუქრება.
ავარია ქალაქ კიშკუნფელედხაზას მახლობლად მოხდა. ავტობუსი ბუდაპეშტის მიმართულებით მოძრაობდა. შემთხვევის მიზეზს პოლიცია ამ დრომდე ადგენს.
