ევროკომისიას აქვს იმედის საფუძველი, რომ კორონავირუსის საწინააღმდეგო ვაქცინა მიმდინარე წლის ბოლოს, მომდევნო წლის დასაწყისში მზად იქნება. ამის შესახებ ევროკომისარმა ჯანდაცვის საკითხებში სტეა კირიაკიდესმა გერმანულ მედიას განუცხადა.

მისი თქმით, კორონავირუსული კრიზისის გადალახვაზე დროის ფაქტორი გადამწყვეტ როლს თამაშობს. თუმცა, მისი თქმით, ვაქცინა მაშინვე ყველა პრობლემას ვერ გადაწყვეტს, მაგრამ ცხოვრების ნორმალურ რეჟიმში დაბრუნებას ხელს შეუწყობს.

კირიაკიდესმა ასევე გამოთქვა წუხილი, ევროკავშირის ქვეყნებში დაინფიცირების რიცხვის ზრდის გამო და მოუწოდა, წევრი სახელმწიფოების ხელისუფლებებს, ყველა ზომა მიიღონ, რომ ინფექციის საყოველთაოდ გავრცელება არ დაუშვან.