სალომე ზურაბიშვილი - კრიმინალი თანამედროვე მსოფლიოს სენია, საქართველოში მდგომარეობა არ არის ისეთი მძიმე, როგორც ზოგ ტელევიზიას უნდათ, რომ აჩვენონ

საქართველოს პრეზიდენტის სალომე ზურაბიშვილის განცხადებით, საქართველოში კრიმინალური მდგომარეობა ისეთი მძიმე არ არის, როგორც ზოგიერთ მედიასაშუალებებს უნდა, რომ აჩვენონ.

პრეზიდენტის თქმით, საჭიროა, "ცოტა დავწყნარდეთ და არ დავუშვათ ქვეყანაში კრიმინალური მდგომარეობის გაუარესება".

„მე ვიტყოდი, რომ ჯერ ერთი, მე სხვაგანაც მიცხოვრია და ვიცი, ზუსტად, ვიცი, რა არის კრიმინალური მდგომარეობა, რაც სამწუხაროდ, ყველგან ხდება და ეს არის თანამედროვე მსოფლიოს სენი და არაფერი აქ ისეთი არ ხდება, რაც სხვაგან არ ხდება დამიჯერეთ, ან იარეთ მსოფლიოში და თვითონ ნახავთ. კრიმინალური მდგომარეობა საქართველოში არ არის ისეთი მძიმე, როგორც ზოგ ტელევიზიებს უნდათ, რომ აჩვენონ და ის არის ძალიან მძიმე, როდესაც ქვეყანაში ტელევიზიებიდან გვესმის მხოლოდ ეს დილიდან საღამომდე. მინდა ვთქვა, რომ ეს ძალიან ცუდად აისახება ჩვენს ახალგაზრდებზე, მათ ფსიქიკაზე. ძალიან დიდი უპასუხისმგებლობა არის, როდესაც ადამიანებს ვაცხოვრებთ ასეთ დაძაბულ მდგომარეობაში. ყველამ უნდა ავიღოთ ჩვენი პასუხისმგებლობა, ცოტა დავწყნარდეთ, ყველაფერს შევხედოთ ცოტა დისტანციაზე, არ უნდა დავუშვათ კრიმინალური მდგომარეობის გაუარესება, მაგრამ არც მონსტრად უნდა გავხადოთ, რაც ამ ქვეყანაში არ არის“, - განაცხადა სალომე ზურაბიშვილმა.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
Webster University Georgia-ს ფსიქოლოგიის საბაკალავრო პროგრამა დაემატა
Webster University Georgia-ს კომპიუტერული მეცნიერებების საბაკალავრო პროგრამა დაემატა