საქართველოს მასშტაბით სოლიდარობის აქცია - „ექიმები თეთრი ხალათებით" გაიმართება

დღეს, საქართველოს მასშტაბით, სოლიდარობის აქცია - „ექიმები თეთრი ხალათებით" გაიმართება. ექიმები სოლიდარობას „თბილისის ცენტრალური საავადმყოფოს" დაკავებულ ექიმს გამოუცხადებენ.

როგორც „ინტერპრესნიუსს“ საქართველოს სამედიცინო ასოციაციების გაერთიანებიდან აცნობეს, 6 აგვისტოს სამედიცინო ასოციაციების გაერთიანების გაფართოებული შეკრება გაიმართა. შეკრება ექიმ ვახტანგ ყიფიანის წინასწარ პატიმრობაში დატოვებას მიეძღვნა. სხდომამ მიიღო გადაწყვეტილება სრული სოლიდარობა და მხარდაჭერა გამოუცხადოს დაკავებულ ექიმს.

გამომსვლელებმა აღნიშნეს რომ მოქმედი რეგულაციების მხედვით ექიმებს კანონი არ დაურღვევიათ; წინასწარი პატიმრობის გამოყენება არის მიუღებელი და ატარებს სადამსჯელო ხასიათს; თავად ფორმა, როგორც მოხდა ექიმების დაკავება, სამედიცინო საზოგადოებისთვის არის სრულიად მიუღებელი და შეურაცხმყოფელი.

ამასთან, მათივე ინფორმაციით, სხდომაზე გადაწყდა, რომ მოხდეს სამედიცინო საზოგადოების მობილიზება შემდეგი ღონისძიებების განსახორციელებლად:

„ორშაბათს, 12:00 საათზე, მთელი საქართველოს მასშტაბით, ექიმები თეთრი ხალათებით გამოვლენ სამედიცინო დაწესებულებების წინ და გააპროტესტებენ ექიმებისთვის წინასწარი პატიმრობის შეფარდებას. ასევე, სამშაბათს 17:00 საათზე ჯანდაცვის სამინისტროსთან გაიმართება ბრიფინგი/აქცია, რათა რეგულირების სააგენტომ გადასინჯოს თავისი დასკვნა, რითაც ექიმებს სრულიად დაუსაბუთებლად ბრალად ედებათ უკანონო სამედიცინო საქმიანობა. სააპელაციო სასამართლოსთან მხარდამჭერი აქცია გაიმართება წინასწარი პატიმრობის გასაჩივრების წარდგენის დღეს.

ამასთანავე, გაერთიანება წერილით მიმართავს ჯანდაცვის სამინისტროს, სადაც დასაბუთებული იქნება, რომ სამედიცინო ჩარევის კლასიფიკატორის NSCP -ის მიხედვით - ის სამედიცინო ჩარევა ( მისი კოდი), არ მიეკუთვნება იმ ტიპის ჩარევას , რისი განხორციელების უფლებაც არ ჰქონდა დაკავებულ ვახტანგ ყიფიანს. უფრო მეტიც, მეორე ოპერაციის დროს სამედიცინო მანიპულაცია საერთოდ არ განხორციელებულა“, - ნათქვამია ინფორმაციაში.

ცნობისთვის, თბილისის საქალაქო სასამართლომ „თბილისის ცენტრალური საავადმყოფოს" დირექტორს გიორგი ლობჟანიძეს აღკვეთი ღონისძიების სახით 100 000 ლარიანი გირაო პატიმრობის უზრუნველყოფით შეუფარდა, ხოლო ამავე კლინიკის ექიმებს ვახტანგ ყიფიანსა და მაგდა ხოჭოლავას - პატიმრობა. აღსანიშნავია, რომ მაგდა ხოჭოლავას პატიმრობა დაუსწრებლად შეეფარდა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო