“ქართული ოცნების” გენერალური მდივნის კახა კალაძის განცხადებით, ყველა ვინც დანაშაულს ჩადის, კანონის წინაშე უნდა აგოს პასუხი. აღნიშნულით კალაძე გამოეხმაურა გავრცელებულ ინფორმაციას “ქართული ოცნების“ ნინოწმინდა-ახალქალაქის მაჟორიტარ დეპუტატ ენზელ მკოიანთან დაკავშირებით, რომლის თანახმადაც, დეპუტატს აშანტაჟებენ.
“თუ რაიმე მსგავსი არსებობს, ამისთვის არსებობს შესაბამისი სამსახურები, უნდა მიემართოს აუცილებლად და მე დარწმუნებული ვარ, ყველა ვინც შანტაჟითაა დაკავებული ან უშუალოდ კრიმინალურ დანაშაულს ჩადის, კანონის წინაშე აგებს ძალიან მკაცრად პასუხს”,- აღნიშნა კალაძემ.
ცნობისთვის, “ქართული ოცნების“ ნინოწმინდა-ახალქალაქის მაჟორიტარი დეპუტატის ენზელ მკოიანის ადვოკატის ტარიელ მურმანიშვილის განცხადებით, მკოიანს აშანტაჟებენ, სიცოცხლის მოსპობით ემუქრებიან და მის მიმართ ფულის - 5 მილიონი დოლარის გამოძალვის მცდელობას ჰქონდა ადგილი.