მესტიის მუნიციპალიტეტის მერის კაპიტონ ჟორჟოლიანის ინფორმაციით, მესტიაში მეწყერის ჩამოწოლის შედეგად ჩაკეტილ მონაკვეთზე მოძრაობა აღდგენილია.

“შავღელეზე ჩამოწვა მეწყერი. საფრთხე არავის შექმნია. უამინდობის დროს იცის ხოლმე მეწყერმა ჩამოწოლა ამ ადგილას და თითქმის ყოველდღიურ რეჟიმში იწმინდება. მოძრაობის ერთსაათიანი შეფერხება იყო“,-აცხადებს მესტიის მუნიციპალიტეტის მერი.

ცნობისთვის, გუშინ, ზუგდიდი-ჯვარი-მესტია-ლასდილის საავტომობილო გზის 116-ე კმ-ზე (შავი ღელე) წვიმის შედეგად ფერდი ჩამოიშალა, რამაც მოძრაობის შეზღუდვა გამოიწვია.