გოგი თოფაძის შვილიშვილს, ლევან თოფაძეს სამართალდამცველები სავარაუდოდ, დღეს გამოკითხავენ

ბიზნესმენ გოგი თოფაძის შვილიშვილს, ლევან თოფაძეს სავარაუდოდ, დღეს გამოკითხავენ. აღნიშნულის შესახებ „ინტერპრესნიუსს“ თოფაძის ადვოკატმა გიორგი ანთაძემ განუცხადა.

როგორც ადვოკატი განმარტავს,ლევან თოფაძეს სავარაუდოდ, სახლში გამოკითხავენ. ანთაძის თქმით, მისი დაცვის ქვეშ მყოფის ჯანმრთელობის მდგომარეობა სტაბილურია, თუმცა, არასახარბიელო.

„ლევან თოფაძის გამოკითხვა დღეს იგეგმება, გამომძიებელი უნდა დამიკავშირდეს, შემდეგ ოჯახს შევუთანხმო დრო და ამის მიხედვით იქნება მისი გამოკითხვა. თუმცა, არსებობს იმის ალბათობაც, რომ ეს გამოკითხვა ხვალ მოხდეს, ვინაიდან შესაძლოა, თოფაძეს სამედიცინო დაწესებულებაში შესაბამის პროცედურებზე მოუწიოს წასვლა.

თუ რა სახის ინფორმაციას მიაწვდის ის გამოძიებას, ამის თაობაზე მას შემდეგ ისაუბრებს, რაც გამოიკითხება“, - განაცხადა ანთაძემ.

ცნობისთვის, თბილისში ბიზნესმენ გოგი თოფაძის შვილიშვილი ლევან თოფაძე 2 აგვისტოს დაჭრეს. დაჭრის ფაქტზე დაკავებულია ყოფილი პრემიერ - მინისტრის, ზურაბ ჟვანიას შვილი, ბუსა ჟვანია. დაჭრილი იყო თავად ჟვანიაც. ბუსა ჟვანიას აღკვეთის ღონისძიების სახით პატიმრობა შეეფარდა.

იხილეთ ვიდეო: გოგი თოფაძის შვილიშვილს, ლევან თოფაძეს სამართალდამცველები სავარაუდოდ, დღეს გამოკითხავენ

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)