„საქართველოს ბანკის“ მხარდაჭერით, ხულოში ავეჯის საწარმო გაიხსნა

„საქართველოს ბანკი“ ბიზნესის მხარდაჭერის ფარგლებში პროექტების ფინანსურ მხარდაჭერას აგრძელებს - ბანკის ჩართულობით შპს ტექნოჯორჯიამ ხულოში ავეჯის საწარმო გახსნა. ამის შესახებ ინფორმაციას „საქართველოს ბანკი“ ავრცელებს.

მათი ინფორმაციით, კომპანია, გარდა სტანდარტული ავეჯის წარმოებისა, მომხმარებელს პრემიუმ სეგმენტის სუფთა და მაღალხარისხიანი ხის ავეჯსაც სთავაზობს.

როგორც „საქართველოს ბანკში“ აცხადებენ, „შპს „ტექნოჯორჯია“ პროდუქციის რეალიზაციას ახდენს ადგილობრივ ბაზარზე და კომპანია ფლობს 2 საწარმოს - ერთი მათგანი ბათუმშია, მეორე კი - ხულოში.

„საქართველოს ბანკის“ ცნობით, კომპანია წარმოებულ პროდუქციის რელიზაციას მის საკუთრებაში არსებულ სამ მაღაზიაში ახდენს; კორპორატულ და მსხვილ სამშენებლო კომპანიებს უწევს მომსახურებას და დასაქმებული ყავს 35 ადამიანი. პროექტის საინვესტიციო მოცულობა 135 000 ევროა.

„მოხარული ვართ, რომ ჩვენი ფინანსური თანამონაწილეობით ხულოში შპს ტექნოჯორჯიას კიდევ ერთი საწარმო გაიხსნა. კომპანიას ბაზარზე საკმაოდ დიდი გამოცდილება აქვს და მომხმარებელს პრემიუმ ხარისხის პროდუქტს სთავაზობს. მოგვაჩნია რომ რეგიონში ბიზნესების წახალისება კიდევ უფრო მნიშვნელოვანია, რადგან ის ხელს უწყობს ადგილობრივი მოსახლეობის დასაქმებასა და ეკონომიკურ კეთილდღეობას“,-განაცხადა „საქართველოს ბანკის“ საცალო ბიზნესის საბანკო მომსახურების დეპარტამენტის დირექტორმა, მერაბ ახვლედიანმა.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)