თორნიკე რიჟვაძემ, აჭარის მთავრობის წევრებმა და საჯარო პირებმა 2008 წლის ომში დაღუპულ გმირებს წუთიერი დუმილით პატივი მიაგეს. ამის შესახებ ინფორმაციას აჭარის მთავრობა ავრცელებს.
შინდისის გმირების სახელობის მემორიალი ყვავილებით შეამკეს და ამავე სახელობის სკვერში სიმბოლურად, გმირულად დაღუპული მეომრების სახელზე 17 ხე დარგეს.
,,დღეს ჩვენ ვიხსენებთ აგვისტოს ომის ყველაზე გამორჩეულ ჯარისკაცებს, შინდისის გმირებს. რამდენადაც ტრაგიკული იყო მათი აღსასრული, იმდენად დიდი გმირობა და თავდადება გამოიჩინეს მათ ქვეყნის წინაშე. ესაა ნამდვილი მაგალითი თუ როგორი უნდა იყოს ჭეშმარიტი პატრიოტი“, - განაცხადა აჭარის მთავრობის თავმჯდომარემ, თორნიკე რიჟვაძემ.