დეპუტატი ლევან კობერიძე „ლელოს“ წევრი გახდა

დამოუკიდებელი დეპუტატი ლევან კობერიძე პოლიტიკური გაერთიანება „ლელო საქართველოსთვის” წევრი გახდა. ამის შესახებ პარტიის ლიდერებმა დღეს გამართულ ბრიფინგზე განაცხადეს.

„ლელოს” ლიდერის, მამუკა ხაზარაძის განცხადებით, ლევან კობერიძე პარტიის ერთ-ერთი გამორჩეული ლიდერი იქნება.

ლევან კობერიძე იქნება ჩვენი გუნდის ერთ-ერთი ლიდერი. მინდა ვუსურვო წარმატებები და იმ იდეების განხორციელება ჩვენს გუნდთან ერთად, რომელიც ასე გვაღელვებს თითოეულ ჩვენს მოქალაქეს. ჩვენ ერთად გვინდა, რომ ეს ქვეყანა იყოს სამართლიანი და წარმატებული. ჩვენ გვაქვს ძალიან დიდი საქმე წინ და სწორედ ისეთ ადამიანებთან ერთად, როგორიც არის ლევანი და გუნდის სხვა წევრები, ჩვენ ამას აუცილებლად მივაღწევთ”,- განაცხადა ხაზარაძემ.

ლევან კობერიძემ კი აღნიშნა, რომ ქვეყანას სჭირდება ახალი ალტერნატიული პოლიტიკური ცენტრი.

„მოხარული ვარ, რომ შემოვუერთდი იმ გუნდს, რომელსაც ჰქვია „ლელო”, რომელიც არის გუნდური თამაშის პრინციპზე აგებული და რომლის მთავარი მიზანია, ქვეყანაში თითოეულმა ჩვენგანმა ის შესაძლებლობა, რაც ქვეყანაში არსებობს და რაც უნდა იყოს რეალიზებული თითოეული მათგანისთვის, მათთვის გახდეს ხელმისაწვდომი. დღეს ქვეყანას სჭირდება სწორედ ახალი, ალტერნატიული პოლიტიკური ცენტრი. ეს ალტერნატიული ცენტრი უნდა იყოს „ლელოში” და „ლელოსთან” ერთად. ჩვენ გვაქვს ღირებულებითი ერთობა. ის ღირებულებითი ერთობა, რომელიც ჩვენ უნდა გამოვიყენოთ თითოეული ჩვენი მოქალაქის უკეთესი ცხოვრებისათვის“, - განაცხადა კობერიძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან