დავით ბაქრაძე - ოქტომბრის არჩევნები არის თითოეული ოჯახისთვის შესაძლებლობა, შეცვალოს საკუთარი ცხოვრება უკეთესობისკენ, უარი უთხრას ჭაობში ჩაძირვას

"ევროპული საქართველოს’’ ლიდერი დავით ბაქრაძე და პარტიის თელავი - ახმეტა - ყვარელი - ლაგოდეხის მაჟორიტარობის კანდიდატი ზურაბ ჭიაბერაშვილი ახმეტის მოსახლეობას შეხვდნენ და მოსახლეობის პრობლემებს გაეცნენ. აღნიშნულ ინფორმაციას „ევროპული საქართველოს“ პრესსამსახური ავრცელებს.

მათი ცნობით, ადგილობრივები ინფრასტრუქტურულ და სასმელი წყლის პრობლემებზე, უმუშევრობაზე და გაზრდილ ფასებზე საუბრობენ.

დავით ბაქრაძე მოსახლეობას 2020 წლის ოქტომბრის არჩევნებზეც ესაუბრა. მისი განცხადებით, „ოქტომბრის არჩევნები თითოეული ადამიანის და თითოეული ოჯახის შესაძლებლობა, შეცვალოს საკუთარი ცხოვრება უკეთესობისკენ და უარი უთხრას ჭაობში ჩაძირვას, რაც ხდება ბოლო წლების განმავლობაში”.

„უმუშევრობა, სიღარიბე, უიმედობა, ინფრასტრუქტურული პრობლემები, კრიმინალი - ეს არის არასრული ჩამონათვალი იმის, რაც აწუხებს მოსახლეობას ახმეტაშიც და მთელ საქართველშიც. უკვე ძალიან კარგად გამოჩნდა განვლილი 8 წლის განმავლობაში, რომ „ქართულ ოცნებას“ არ შეუძლია ამ პრობლემების მოგვარება და პირიქით, ყოველწლიურად ცხოვრება მიდის უკან, ყოველწლიურად მატულობს უმუშევრობა, მატულობს სიღარიბე, მატულობს ფასები, არ მატულობს ხელფასები, არ მატულობს პენსია ადეკვატურად და არ იცვლება მოსახლეობის ვითარება უკეთესისკენ, ამიტომ გამოსავალი ამ ყველაფრიდან არის მხოლოდ ერთი, ეს არის ოქტომბრის არჩევნები და თითოეულ ადამიანს უნდა ესმოდეს, რომ მათი ცხოვრების შეცვლის ერთადერთი გზა არის არჩევნებზე წასვლა, ეს არის არჩევნებზე მათთვის სასურველი გუნდის შემოხაზვა და ამ ქვეყანაში ცვლილებების მოტანა. იმიტომ, რომ ცვლილებები დარჩება ისე როგორც იყო და კიდევ უფრო უარესად, ამიტომ ოქტომბრის არჩევნები, ეს არის შესაძლებლობა თითოეული ადამიანის და თითოეული ოჯახისთვის შეცვალოს საკუთარი ცხოვრება უკეთესისკენ უარი უთხრას ამ ჭაობში ჩაძირვას, რაც ხდება ბოლო წლების განმავლობაში და ყველამ ერთად წავიყვანოთ ქვეყანა წინ”, - განაცხადა დავით ბაქრაძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)