ბელარუსის პრეზიდენტობის კანდიდატს სვეტლანა ტიხანოვსკაიას, რომელიც 9 აგვისტოს საპრეზიდენტო არჩევნების შემდეგ, ლიეტუვაში გადავიდა, ქვეყნის ტერიტორიაზე ერთი წლის განმავლობაში ყოფნა შეუძლია.
ლიეტუვას საგარეო საქმეთა მინისტრმა ლინას ლინკავიჩიუსმა ბრიფინგზე განაცხადა, რომ ტიხანოვსკაიაზე ერთწლიანი ვიზა გაიცა.
მისი თქმით, საპრეზიდენტო კანდიდატი იძულებული გახდა საკუთარი ქვეყანა დაეტოვებინა, რადგან ის თავისუფლების დაკარგვის რეალური საფრთხის წინაშე აღმოჩნდა.
მინისტრის თქმით, პრეზიდენტობის კანდიდატი ლიეტუვაში საარჩევნო შტაბის თავმჯდომარე მარია მოროზთან ერთად იმყოფება.