თამარ ბაჩალიაშვილის ოჯახის წევრები და ადვოკატი შინაგან საქმეთა სამინისტროში მივიდნენ

გარდაცვლილი პროგრამისტის, თამარ ბაჩალიაშვილის ოჯახის წევრები და ადვოკატი მიხეილ რამიშვილი შინაგან საქმეთა სამინისტროში მივიდნენ.

როგორც თამარ ბაჩალიაშვილის ოჯახის ადვოკატმა, მიხეილ რამიშვილმა საგამოძიებო უწყებაში შესვლამდე ჟურნალისტებთან განაცხადა, თამარ ბაჩალიაშვილის კომპიუტერის შესწავლა და მის კუთვნილ სოციალურ ქსელებში შეღწევის პროცედურები შსს-ში უნდა გაგრძელდეს და სწორედ ამ საკითხის განსახილველად მოვიდნენ ისინი უწყებაში.

„გუშინ ბევრჯერ იყო მცდელობა ექსპერტების მიერ თამუნას კომპიუტერიდან კოპირების შემდეგ შევსულიყავით მის ელექტრონულ ფოსტაზე, მის „ფეისბუქში", მაგრამ ვერანაირად ვერ შევედით. მე და ოჯახის წევრებმა ვთქვით და მოვითხოვეთ, რომ დაგვეჩქარებინა FBI -ის ექსპერტების ჩართვა.

გუშინ ღამე გვითხრეს, რომ აღნიშნული პროცედურები, რაც გუშინ განხორციელდა, უნდა გაგრძელებულიყო შსს-ში და ამ საკითხთან დაკავშირებით მოგვიწვიეს ახლა აქ. ზუსტად არ ვიცი რა უნდა განხორციელდეს, ვინ არიან მოწვეულები. ჩვენ უნდა შევიდეთ „ფეისბუქში", „მესენჯერში" და ვნახავთ ინფორმაციას, ვნახავთ მიწერ-მოწერებს, ვისთან ჰქონდა კომუნიკაცია“, - განაცხადა რამიშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს