ბიზნესმენ გოგი თოფაძის შვილიშვილს, ლევან თოფაძეს ამ წუთებში საკუთარ საცხოვრებელ სახლში კითხავენ. თოფაძესთან გამომძიებლები რამდენიმე წუთის წინ მივიდნენ.
ლევან თოფაძე საგამოძიებო უწყების კითხვებს დღეს პირველად პასუხობს.
გამოკითხვის დაწყებამდე დაზარალებულის ადვოკატმა გიორგი ანთაძემ ჟურნალისტებთან კომენტარი გააკეთა, თუმცა, დეტალებთან დაკავშირებით არ უსაუბრია. ანთაძის თქმით, საქმის მასალებს გაეცნო, მაგრამ გამოძიების ინტერესებიდან გამომდინარე უფლება არ აქვს დეტალებზე ისაუბროს.
ცნობისთვის, თბილისში ბიზნესმენ გოგი თოფაძის შვილიშვილი ლევან თოფაძე 2 აგვისტოს დაჭრეს. დაჭრის ფაქტზე დაკავებულია ყოფილი პრემიერ-მინისტრის, ზურაბ ჟვანიას შვილი, ბუსა ჟვანია. დაჭრილი იყო თავად ჟვანიაც. ბუსა ჟვანიას აღკვეთის ღონისძიების სახით პატიმრობა შეეფარდა.