საბერძნეთის საგარეო საქმეთა მინისტრმა თურქეთს მოუწოდა, ხომალდები საბერძნეთის კონტინენტური შელფიდან დაუყოვნებლივ გაიყვანოს.
„საბერძნეთი დაიცავს მის სუვერენიტეტს და მის უფლებებს. ჩვენ მოვუწოდებთ თურქეთს, რომ დაუყოვნებლივ დატოვოს საბერძნეთის კონტინენტური შელფი“, - განაცხადა ნიკოს დენდიასმა საბერძნეთის პრემიერ-მინისტრთან გამართული შეხვედრის შემდეგ და აქვე აღნიშნა, რომ „თურქეთის მხრიდან მზარდი პროვოკაციებისა და არასწორი ქცევის საკითხთან დაკავშირებით“ ევროკავშირის საგარეო საქმეთა მინისტრებს საგანგებო სხდომის გამართვისკენ მოუწოდებს.
ცნობისთვის, 10 აგვისტოს თურქეთმა სადავო ტერიტორიულ წყლებში, რომელიც საბერძნეთთან და კვიპროსთან ახლოს მდებარეობს, სამძებრო ხომალდი გაუშვა და განაცხადა, რომ ხმელთაშუა ზღვაში ბუნებრივი რესურსების საძიებო სამუშაოებს აგრძელებს.
ევროკავშირი ხმელთაშუა ზღვაში ბოლო დროს განვითარებულ მოვლენებს „უკიდურესად შემაშფოთებელს“ უწოდებს.