ჰონგ-კონგში დაკავებული მედიამაგნატი ჯიმი ლაი გირაოს სანაცვლოდ გაათავისუფლეს, - ამის შესახებ ინფორმაციას „ალ-ჯაზირა“ ავრცელებს.
გამოცემის ცნობით, გირაოს თანხა 300 000 ჰონგ-კონგური დოლარით (38 461 აშშ დოლარი) განისაზღვრა, ლაის კუთვნილი, 200 000 ჰონგ-კონგური დოლარის (25 805 აშშ დოლარი) ღირებულების აქტივები, კი - გაყინეს.
მოგვიანებით პატიმრობიდან გაათავისუფლეს პრო-დემოკრატი აქტივისტი აგნეს ჩოუ და ჯიმი ლაის ორი ვაჟიც.
შეგახსენებთ, ორშაბათს ჰონგ-კონგში უსაფრთხოების ახალი კანონის დარღვევისთვის 10 ადამიანი დააკავეს, მათ შორის მედია მაგნატი, ჰონგ-კონგის Apple Daily-ის მფლობელი, ჯიმი ლაი, რომელსაც უცხო ძალებთან შეთქმულებაში დასდეს ბრალი.