„არემჯის საზაფხულო სკოლა“  საქართველოს ტექნიკური უნივერსიტეტის სტუდენტებისთვის

საქართველოს ტექნიკური უნივერსიტეტის სტუდენტებს აგვისტო-სექტემბერში „არემჯის საზაფხულო სკოლა“ უმასპინძლებს. როგორც „ინტერპრესნიუსს“ კომპანია „არემჯიდან“ აცნობეს, აღნიშნული პროექტი სტუ-ს სამთო-გეოლოგიური ფაკულტეტის სტუდენტისათვის ერთთვიან ანაზღაურებად პრაქტიკას ითვალისწინებს და ის წელს მესამედ ხორციელდება.

მათი ინფორმაციით, ყოველ წელს იზრდება პროექტში მონაწილეობის მსურველთა რაოდენობა. წინასწარ შევსებული აპლიკაციების საფუძველზე, წელს შეირჩა სამთო-გეოლოგიური ფაკულტეტის 30 სტუდენტი. აღსანიშნავია, რომ 17 მათგანი ადგილობრივია.

როგორც კომპანიაში აღნიშნავენ, პროექტის მიზანია, აღმოაჩინოს და ხელი შეუწყოს მოტივირებულ სტუდენტებს, რომლებიც უნივერსიტეტში მიღებული თეორიული ცოდნისა და „არემჯის საზაფხულო სკოლაში“ გავლილი საწარმოო პრაქტიკის შემდეგ, სამთო მრეწველობისთვის მიმზიდველ კადრებად ჩამოყალიბდებიან.

„სამთო-გეოლოგიური ფაკულტეტის სტუდენტებს „საზაფხულო სკოლის“ ფორმატში უკვე მე-3 წელია, რაც ვთავაზობთ თანამშრომლობას. მოხარული ვარ, რომ პროექტში ჩართული სტუდენტების რაოდენობა ყოველწლიურად იზრდება. თავიანთი სპეციალობების მიხედვით, სტუდენტები სხვადასხვა სტრუქტურულ ერთეულებში გადანაწილდებიან. მათ შორის მადნეულის და საყდრისის კარიერებზე, სპილენძის გამამდიდრებელ ფაბრიკაში, გროვული გამოტუტვის უბანზე, გეოლოგიურ და გეოტექნიკურ სამსახურებში, ასევე რევერსული ბურღვის უბანზე. ეს ის სპეციალობებია, რომლებსაც სტუდენტები ტექნიკურ უნივერსიტეტში ეუფლებიან და რომლებიც ჩვენ კომპანიაში პრიორიტეტულია. „არემჯის საზაფხულო სკოლის“ პრაქტიკული კურსის გავლის შემდეგ, ახალგაზრდებმა ზუსტად იციან ჩვენი საწარმოს სპეციფიკა და აქვთ ის პრაქტიკული უნარები, რომელიც მათ უმაღლესის სასწავლებლის დასრულების შემდეგ, ჩვენი კომპანიისა და ზოგადად სამთო მრეწველობის დარგისათვის მიმზიდველ კადრებად ჩამოყალიბებაში შეუწყობს ხელს“,-აცხადებს „არემჯის“ აღმასრულებელი დირერქტორის მოადგილე ადამიანური რესურსების საკითხებში გიორგი ჩხეიძე.

„არემჯის საზაფხულო სკოლის შესახებ ჩემი მეგობრებისგან შევიტყვე. დიდი სურვილი მქონდა მოვმხვდარიყავი საზაფხულო პრაქტიკებზე, ამიტომ გამოვაგზავნე ჩემი პირადი მონაცემები. ვფიქრობ, ჩვენი პროფესიისათვის პრაქტუკული სამუშაობი ძალიან მნიშვნელოვანია. დარწმუნებული ვარ, აქ გატარებული დრო ძალიან წამადგება ჩემს პროფესიულ განვითარებაში“,-აცხადებს სამთო გეოლოგიური მიმართულების მე-4 კურსის სტუდენტი ნათია მექუდიშვილი.

„პროფესიის არჩევის დროს ერთ-ერთი ფაქტორი ის იყო, რომ ადგილობრივი ვარ. გასულ წელს საზაფხულო სკოლაში ჩემი მეგობრები იყვნენ, რომლებმაც მირჩიეს პროექტში ჩართვა. დარწმუნებული ვარ, რომ სკოლა გაამართლებს ჩემს მოლოდინებს და გეოლოგიის საწყისებს, რაც პირველ კურსზე თეორიულად გავიარე უფრო გასაგებს და ხელშესახებს გახდის ჩემთვის“,- აცხადებს სამთო გეოლოგიური მიმართულების მე-2 კურსის სტუდენტი, ირაკლი ჯაყელი.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს