მედიის ინფორმაციით, ბელარუსში საპროტესტო აქციების  კოორდინატორები დააკავეს

ბელარუსის დედაქალაქ მინსკში მასობრივი არეულობის კოორდინატორები დააკავეს, - ამის შესახებ ინფორმაციას სააგენტო БЕЛТА ავრცელებს.

გამოცემის ცნობით, ერთ-ერთი დაკავებული სასტუმრო „ბელარუსის“ მე -17 სართულზე მდებარე ნომრიდან უწევდა აქციებს კოორდინირებას. კერძოდ, დაკავებული მამაკაცი მის დაქვემდებარებაში მყოფ სამ პირს, ისინი კი თავის მხრივ, ასობით ადამიანს მართავდნენ.

გარდა ამისა, სააგენტო БЕЛТА შინაგან საქმეთა სამინისტროზე დაყრნდობით იუწყება, რომ სამართალდამცველებმა მინსკში, ერთ-ერთ სავაჭრო ცენტრთან დააკავეს მამაკაცი, რომელიც მასობრივი არეულობის მონაწილეებს ფულს ურიგებდა.

შსს-ს განცხადებით, დაკავებისას მამაკაცმა სამართალდამცველებს წინააღმდეგობა გაუწია, მის ზურგჩანთაში კი აღმოჩენილია 10 000 აშშ დოლარზე მეტი.

შეგახსენებთ, ბელარუსში 9 აგვისტოს ჩატარებული საპრეზიდენტო არჩევნების ეგზიტპოლების შედეგების გამოცხადების შემდეგ საპროტესტო აქციები მიმდინარეობს. აქციების დროს დაკავებულია ათასობით ადამიანი. ბელარუსის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტს, ალექსანდრ ლუკაშენკოს, ამომრჩეველთა 80,23 %-მა დაუჭირა მხარი, ოპოზიციის კანდიდატმა, სვეტლანა ციხანოვსკაიამ კი - ხმების 9,9 % მიიღო.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა