„ევროპული საქართველოს“ სამტრედიის, წყალტუბოს, ვანისა და ხონის მაჟორიტარობის კანდიდატის აკაკი ბობოხიძის განცხადებით, ისინი უკეთესი, აღორძინებული საქართველოსთვის იბრძვიან.

ბობოხიძის თქმით, ბიძინა ივანიშვილის წინააღმდეგ ბრძოლა არის ის ფორმულა, რომელიც მომდევნო 2-3 თვის განმავლობაში უნდა განახორციელონ.

„ჩვენ ვიბრძვით უკეთესი და აღორძინებული ქვეყნისთვის, სადაც ადამიანებს მთავრობის დახმარება კი არ სჭირდება, არამედ ადამიანები თვითონ ხედავენ საკუთარ თავს და საკუთარ პრობლემებს, რადგან ისინი არიან დასაქმებული და თუ ჩვენ ამ ამოცანაზე შევთანხმდებით, მაშინ უკვე იკვეთება ის თუ ვის წინააღმდეგ უნდა ვიბრძოლოთ. დღეს ამ ყველაფრის შემჩერებელი და ამ ყველაფრის ხელის შემშლელი არის ბიძინა ივანიშვილი და მისი ხელისუფლება. ამიტომ ვაპირებთ ბრძოლას უკეთესი ქვეყნისთვის და ვაპირებთ ბრძოლას ბიძინა ივანიშვილის წინააღმდეგ. ეს არის ის ფორმულა, რაც ჩვენ ამ 2-3 თვის განმავლობაში გვაქვს განსახორციელებელი“, - განაცხადა აკაკი ბობოხიძემ.