ამერიკის სახელმწიფო მდივანი მაიკ პომპეო ბელარუსში ჩატარებულ საპრეზიდენტო არჩევნებს და არჩევნების შემდეგ განვითარებულ მოვლენებს ეხმაურება და აცხადებს, რომ ბელარუს ხალხს სურს თავისუფლება და დემოკრატია.

ჩეხეთში, ქვეყნის პრემიერთან ანდრეი ბაბიშთან შეხვედრის შემდეგ, პომპეომ განაცხადა, რომ ბელარუსები იმსახურებენ ამას და აუცილებელია, რომ სამოქალაქო აქტივისტებს მიეცეთ უფლება საკუთარი აზრი თავისუფლად გამოხატონ.

„ჩვენ ვხედავთ, რა ხდება ბელარუსში, ეჭვი გვეპარება ამ ქვეყნის არჩევნების სამართლიან შედეგებში. ბელარუსებს სურთ თავისუფლება და დემოკრატია. მათ ეს დაიმსახურეს. აუცილებელია, რომ სამოქალაქო აქტივისტებს მიეცეთ უფლება, თავისუფლად გამოხატონ საკუთარი აზრი და დაცულნი იყვნენ ძალოვანი სტრუქტურების ძალისმიერი ქმედებებისგან“, - განაცხადა პომპეომ.