თამარ ბაჩალიაშვილის ოჯახის ადვოკატის განცხადებით, ჩატარდება ექსპერტიზა და დადგინდება,  ვის მიერ არის შესრულებული ჩანაწერი - „პირადად მე უძლური ვარ მის წინაშე”

თამარ ბაჩალიაშვილის ოჯახის ადვოკატი მიხეილ რამიშვილი არ აკონკრეტებს, სად იპოვეს წერილი, რომელიც დღეს ჟურნალისტმა გიორგი კაპანაძემ გამოაქვეყნა, თუმცა აღნიშნავს, რომ ეს ფურცელი თამარ ბაჩალიაშვილის მანქანაში არ ყოფილა.

როგორც რამიშვილმა ჟურნალისტებს განუცხადა, წერილს ჩაუტარდება ექსპერტიზა და დადგინდება, ვის მიერაა დაწერილი.

„ექსპერტები იყვნენ მოსულები. ყველაფერი გადავეცით, რაზეც ჩატარდება ექსპერტიზა, დადგინდება, ვის მიერაა შესრულებული ეს პატარა ჩანაწერი, რომელიც გასაჯაროვდა. შესაბამისად, "ბლოკნოტზეც" ჩატარდება კალიგრაფიული ექსპერტიზა და გამოყენებული იქნება ის კოდები და პაროლები, რაც არის მითითებული. აბსოლუტურად ყველაფერი რაც ჩემს ხელთ იქნება, მოვიძიებ, გადავამოწმებ, შევაჯერებ და რა ინფორმაციაც ჩემს ხელთ იქნება, რაც გამოძიებას გამოადგება და გამოყენებული არ იქნება საწინააღმდეგოდ გამოძიების ინტერესებიდან გამომდინარე, ყველაფერს მივცემ“,- განაცხადა რამიშვილმა.

ცნობისთვის, დღეს ჟურნალისტმა გიორგი კაპანაძემ სოციალურ ქსელში პოსტი დაწერა.

"გამოძიებისთვის უცნობი ახალი ფაქტები მოვიპოვეთ თამარ ბაჩალიშვილის საქმიდან, რომელთაგან ამ ეტაპზე ჯერ მხოლოდ ერთს ვასაჯაროვებ... “პირადად მე, უძლური ვარ მის წინაშე” - ეს არის თამარ ბაჩალიაშვილის ერთადერთი ბოლო ფრაზა, რომელიც მან ფურცელზე დაწერა. აქვე წერია ციფრი - “15”... ვის წინაშე ან რატომ იყო კიბერუსაფრთხოების სპეციალისტი უძლური? რა ინფორმაცია ჩაუვარდა მას ხელში?", -წერს კაპანაძე, რომლის პოსტსაც თან ერთვის შესაბამისი წარწერით ფოტოსურათი.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს