ამირან გამყრელიძე - არსებული ეპიდემიოლოგიური ვითარება კორონავირუსის მეორე ტალღასთან დაკავშირებული არ არის

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, დღეისათვის საქართველოში არსებულ ეპიდემიოლოგიურ ვითარებას კორონავირუსის გავრცელების მეორე ტალღასთან არანაირი კავშირი არ აქვს და ამ პერიოდისთვის ინფიცირებული პაციენტების მატება მოსალოდნელი იყო.

გამყრელიძის თქმით, მეორე ტალღის დაწყების შესახებ ჩამოყალიბებული კრიტერიუმები არ არსებობს, მაგრამ მისი დაწყება, სავარაუდოდ, შემოდგომაზეა მოსალოდნელი.

„არსებული ეპიდემიოლოგიური ვითარება მეორე ტალღასთან დაკავშირებული არ არის. ეს ძირითადად პროგნოზირებადი იყო, როდესაც შემსუბუქების პოლიტიკა დაიწყო, გავხსენით საზღვრები და მიმოსვლა უფრო ფართო გახდა, გააქტიურდა შიდა ტურიზმი, ეს პროგნოზირებადი იყო, რომ გარკვეული მატება გვექნებოდა, ამიტომ ეს არ არის მეორე ტალღა. ჩამოყალიბებული კრიტერიუმების არსებობა, როდის და რანაირად დაიწყება მეორე ტალღა რთული საკითხია, ამას ვერ ვიტყვით. მისი დაწყება ალბათ უფრო მეტად მოსალოდნელია შემოდგომაზე, როდესაც დაიწყება რესპირაციული ცივი სეზონი და ეს ჩევნთან არის უფრო ოქტომბრის ბოლო, ნოებრის შუა რიცხვებიდან“, - განაცხადა ამირან გამყრელიძემ.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 26.02.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
1 მარტს, "ამბასადორი ჯგუფი" კურორტ გოდერძიზე ახალ სასტუმროს - „ამბასადორი გოდერძის“ გახსნის