კორონავირუსის 23 ახალი შემთხვევიდან 6-ის წყარო ლენჯერია, 11 - დადასტურებულ შემთხვევებთან კონტაქტია, 2 იმპორტირებულია, 1 სამედიცინო პერსონალია და 3-ის წყარო უცნობია

თბილისის ცენტრალური ინფექციური საავადმყოფოს სამედიცინო დირექტორის მარინა ეზუგბაიას განცხადებით, 23 ახალი დადასტურებული შემთხვევიდან 6 პაციენტის წყარო ლენჯერია, 11 პაციენტი არის უკვე დადასტურებულ შემთხვევებთან კონტაქტი, 2 არის იმპორტირებული შემთხვევა და ორივე მათგანი სატვირთო ავტომობილის მძღოლია, ერთ პაციენტი სამედიცინო პერსონალია, 3 პაციენტის შემთხვევაში კი მიმდინარეობს ეპიდემიოლოგიური კვლევა კონტაქტებისა და წყაროს დადგენის მიზნით.

„გამოჯანმრთელებულების რიცხვი არის 17 და მათი საერთო რაოდენობა გახდა 1085. კვლავ 83% რჩება გამოჯანმრთელებულების პროცენტული მაჩვენებელი და ამ დადასტურებულებისა და გამოჯანმრთელებულების შეფარდებით, დღევანდელი მონაცემებით, 204 პაციენტი მკურნალობს კოვიდ ცენტრებში. 204 პაციენტში სიმძიმის მაჩვენებელი უცვლელია. კვლავ კრიტიკული მდგომარეობით მკურნალობს რეანიმაციულ განყოფილებაში სხვადასხვა კოვიდცენტრში 7 პაციენტი, 17 პაციენტის მდგომარეობა კვლავ მძიმედ რჩება, თუმცა პროგრესირება არც ერთ მათგანთან არ შეინიშნება. ჩვენს ცენტრში გუშინ იყო 32 დადასტურებული შემთხვევა, გამოჯანმრთელდა სამი, დაგვემატა 2. ეს ორივე არის კონტაქტი ლენჯერის დადასტურებულ შემთხვევებთან. მათი მდგომარეობა ჩატარებული კვლევებით არ არის მძიმე, საშუალო სიმძიმისაა. 3 მძიმე პაციენტი გვყავს კლინიკაში, დანარჩენი პაციენტების მდგომარეობა საშუალო და მსუბუქია,“- განაცხადა მარინა ეზუგბაიამ.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)