ბელარუსის ცენტრალურმა საარჩევნო კომისიამ ალექსანდრე ლუკაშენკო საპრეზიდენტო არჩევნებში გამარჯვებულ კანდიდატად გამოაცხადა, - ამის შესახებ ინფორმაციას სააგენტო Belta ავრცელებს.
მათივე ინფორმაციით, მოქმედ პრეზიდენტს მხარი ამომრჩეველთა 80,1% პროცენტმა დაუჭირა.
შეგახსენებთ, ბელარუსში საპრეზიდენტო არჩევნები 9 აგვისტოს ჩატარდა. არჩევნების წინასწარი შედეგების გამოცხადების შემდეგ ქვეყანაში საპროტესტო აქციები მიმდინარეობს. აქციების დროს 6 700-მდე მოქალაქე დააკავეს, 2 ადამიანი კი გარდაიცვალა.