გიორგი ვაშაძე - საქართველოს ტერიტორიული მთლიანობა უპირობოდ იქნება აღდგენილი და ამისკენ გზა გადის აღმშენებლობით

„სტრატეგია აღმაშენებლის“ ლიდერის გიორგი ვაშაძის განცხადებით, საქართველოს გაერთიანებისა და დევნილების საკუთარ საცხოვრებლებში დასაბრუნებლად ქვეყანაში აღმშენებლობის პროცესის დაწყებაა საჭირო.

გიორგი ვაშაძის შეფასებით, დევნილები, ვეტერანები და გმირების ოჯახის წევრები სახელმწიფოს მხრიდან უყურადღებოდ არიან დარჩენილები.

გიორგი ვაშაძემ საქართველოს ტერიტორიული მთლიანობისთვის დაღუპული გმირების ხსოვნას პატივი მიაგო.

„დიდება გმირებს! ადამიანებს, ვინც დაიცვა საქართველოს ღირსება. საქართველოს ტერიტორიული მთლიანობა უპირობოდ აღდგება და ამისკენ გზა აღმშენებლობაზე გადის. ჩვენს ქვეყანაში აღმშენებლობის პროცესი უნდა დავიწყოთ იმისთვის, რომ ტერიტორიები დავიბრუნოთ, გავაერთიანოთ საქართველო, დევნილები დავაბრუნოთ საკუთარ საცხოვრებლებში. როცა დღეს დევნილებს ყურადღება არ აქვს, როცა ვეტერანები, რომლებიც სამშობლოსთვის იბრძოდნენ, ფაქტობრივად უყურადღებოდ არიან მიტოვებულნი, როცა ამ გმირების ოჯახები მიტოვებულები არიან უყურადღებოდ, რა თქმა უნდა, ეს ქმნის უზარმაზარ პრობლემებს ქვეყანაში, თვითონ პატრიოტული მუხტის გაღვივებასთან დაკავშირებით. აღმშენებლობა, აღმშენებლობა და ისევ და ისევ ერთხელ აღმშენებლობა-მოგვიტანს საქართველოს გამთლიანებულს, ერთიანს, ძლიერს და ყველა მოქალაქისთვის ღირსების მქონე ქვეყანას“, - განაცხადა ვაშაძემ.

ინფორმაციას „სტრატეგია აღმაშენებლის“ პრესსამსახური ავრცელებს.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს