თურქეთის პრეზიდენტის, რეჯეფ თაიფ ერდოღანის განცხადებით, ანკარამ, შესაძლოა, არაბთა გაერთიანებულ საამიროებთან, დიპლომატიური ურთიერთობები გაწყვიტოს, რისი მიზეზიც ისრაელსა და არაბთა გაერთიანებულ საამიროებს შორის ურთიერთობების ნორმალიზების შესახებ მიღწეული შეთანხმებაა.
“პალესტინის წინააღმდეგ განხორციელებული ქმედების მონელება შეუძლებელია,“- განაცხადა ერდოღანმა.
მისივე თქმით, თურქეთის საგარეო საქმეთა მინისტრს არაბთა გაერთიანებულ საამიროებთან დაკავშირებით დავალება მისცა.
„მე მას ვუთხარი, რომ შესაძლოა, აბუ-დაბისთან დიპლომატიური ურთიერთობები შევწყვიტოთ, ან ჩვენი ელჩი გამოვიწვიოთ“, - განაცხადა ერდოღანმა.
შეგახსენებთ, ისრაელმა და არაბთა გაერთიანებულმა საამიროებმა, აშშ-ის დახმარებით, ურთიერთობების სრული ნორმალიზების შესახებ ისტორიულ შეთანხმებას მიაღწიეს. დონალდ ტრამპმა „ტვიტერზე“ სამ ქვეყანას შორის მიღწეული შეთანხმების ტექსტიც გამოაქვეყნა, სადაც აღნიშნულია, რომ ეს ისტორიული დიპლომატიური მიღწევა ახლო აღმოსავლეთის რეგიონში მშვიდობას შეუწყობს ხელს.