ბელარუსში პრეზიდენტ ალექსანდრე ლუკაშენკოს წინააღმდეგ საპროტესტო აქციები გაიმართა, რომელშიც მონაწილეობას ათასობით ადამიანი იღებდა.
აქციის მონაწილეთა უმეტესობა სხვადასხვა საწარმოში დასაქმებული ადამიანები არიან. მინსკის გარდა დემონსტრაციები ქვეყნის სხვა ქალაქებშიც გაიმართა.
ბელარუსის ოპოზიციის ლიდერმა სვეტლანა ტიხანოვსკაიამ, რომელიც ამჟამად ლიეტუვაში იმყოფება აქტივისტებს მოუწოდა შაბათ-კვირას მასშტაბური მშვიდობიანი საპროტესტო აქციები გამართონ და ძალადობას მაქსიმალურად მოერიდონ.
შეგახსენებთ, ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ საპროტესტო აქციები მიმდინარეობს. ქვეყნის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტ ალექსანდრე ლუკაშენკოს ამომრჩეველთა 80,23 %-მა დაუჭირა მხარი, მისმა მთავარმა მეტოქემ, სვეტლანა ტიხანოვსკაიამ კი - ამომრჩეველთა 9,9 %-ის მხარდაჭერა მოიპოვა.