ევროკავშირის საგარეო საქმეთა მინისტრები ბელარუსში აქტივისტების წინააღმდეგ ძალის გამოყენების ბრძანების გამცემ პირებს სანქციებს დაუწესებენ

ევროკავშირის საგარეო საქმეთა მინისტრებმა მიაღწიეს შეთანხმებას, რომლის მიხედვითაც, ბელარუსში აქტივისტების წინააღმდეგ ძალის გამოყენების ბრძანების გამცემ პირებს სანქციებს დაუწესებენ. ამ ინფორმაციას საგარეო საქმეთა სამინისტრო ავრცელებს.

ამასთან, პოლონეთის საგარეო საქმეთა მინისტრმა იაცეკ ჩაპუტოვიჩმა განაცხადა, რომ მინისტრები იმ პირთა წინააღმდეგ გეგმავენ სანქციების დაწესებას, ვინც ბელარუსში არჩევნების გაყალბებაში მიიღო მონაწილეობა და მშვიდობიანი აქციების დარბევაშია პასუხისმგებელი.

„ვერ დავხუჭავთ თვალს არჩევნების გაყალბებასა და ძალის გამოყენებაზე. ზოგიერთმა მინისტრმა სანქციების დაწესებას დაუჭირა მხარი. პოლონეთი მხარს უჭერს სანქციების დაწესებას იმ პირების წინააღმდეგ, რომლებიც არჩევნების გაყალბებასა და ძალის გამოყენებაზე არიან პასუხისმგებელი. ევროკავშირი შესაბამისი სიის ჩამოყალიბებაზე იმუშავებს“, - განაცხადა ჩაპუტოვიჩმა.

შეგახსენებთ, ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ საპროტესტო აქციები მიმდინარეობს. ქვეყნის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტ ალექსანდრე ლუკაშენკოს ამომრჩეველთა 80,23 %-მა დაუჭირა მხარი, მისმა მთავარმა მეტოქემ, სვეტლანა ციხანოვსკაიამ კი - ამომრჩეველთა 9,9 %-ის მხარდაჭერა მოიპოვა.

ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
ქართული პრესის მიმოხილვა 21.09.2020
ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)