ჰასან რუჰანი - ისრაელთან შეთანხმების მიღწევით არაბთა გაერთიანებულმა საამიროებმა უდიდესი შეცდომა დაუშვა

ირანის პრეზიდენტი ჰასან რუჰანი აცხადებს, რომ არაბთა გაერთიანებულმა საამიროებმა ისრაელთან ურთიერთობის ნორმალიზებასთან დაკავშირებით შეთანხმების მიღწევით „უდიდესი შეცდომა“ დაუშვა.

„სჯობს, წინდახედულობა გამოეჩინათ. მათ უდიდესი შეცდომა დაუშვეს, მოღალატური ქმედება ჩაიდინეს. იმედი გვაქვს, ამას გააცნობიერებენ და ამ მცდარ გზას მიატოვებენ,“- განაცხადა ირანის პრეზიდენტმა სატელევიზიო მიმართვის დროს.

მისივე თქმით, ხელშეკრულების მიზანია ხელი შეუწყოს ნოემბრის საპრეზიდენტო არჩევნებში დონალდ ტრამპის გამარჯვებას და მისი განმარტებით, ამაზე ისიც მოქმედებს, რომ შეთანხმების შესახებ განცხადება ვაშინგტონში გაკეთდა.

„მაშინ რატომ მოხდა ეს ახლა?რატომ გაკეთდა ამის შესახებ განცხადება მესამე ქვეყანაში, ამერიკაში? ვაშინგტონში ჯენტლმენი არჩევნებს იგებს, თქვენ კი თქვენს ქვეყანას, ხალხს, მუსლიმებსა და არაბთა სამყაროს ღალატობთ,“- აღნიშნა ჰასან რუჰანმა.

შეგახსენებთ, ისრაელმა და არაბთა გაერთიანებულმა საამიროებმა, აშშ-ის დახმარებით, ურთიერთობების სრული ნორმალიზების შესახებ ისტორიულ შეთანხმებას მიაღწიეს. დონალდ ტრამპმა „ტვიტერზე“ სამ ქვეყანას შორის მიღწეული შეთანხმების ტექსტიც გამოაქვეყნა, სადაც აღნიშნულია, რომ ეს ისტორიული დიპლომატიური მიღწევა ახლო აღმოსავლეთის რეგიონში მშვიდობას შეუწყობს ხელს.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს