თბილისის მასშტაბით, სანიტარიული ჭრის ღონისძიებები გრძელდება. ამის შესახებ ინფორმაციას თბილისის მერია ავრცელებს. მათი ცნობით, საბურთალოს რაიონში, ფანასკერტელ-ციციშვილის ქუჩა N11-ის მიმდებარედ, დაახლოებით, 150-მდე ძირი დაავადებული, ხმობადი ფოთლოვანი ხე და ფიჭვი მოიჭრა.

დედაქალაქის მერიაში აცხადებენ, რომ საბურთალოს გამგეობა აღნიშნულ ტერიტორიაზე რეკრეაციული სივრცის მოწყობის სამუშაოებს განახორციელებს, რომლის ფარგლებშიც, 250 ძირი ხე-მცენარე დაირგვება.