მინსკში პრეზიდენტ ლუკაშენკოს წინააღმდეგ საპროტესტო აქცია მიმდინარეობს

ბელარუსის დედაქალაქ მინსკში პრეზიდენტ ალექსანდრე ლუკაშენკოს წინააღმდეგ მასშტაბური საპროტესტო აქცია მიმდინარეობს. აქტივისტების უმეტესობას სხვადასხვა საწარმოში დასაქმებული მუშები წარმოადგენენ. საპროტესტო აქციის მონაწილეებმა მინსკში აქციის დარბევის დროს დაღუპული მოქალაქის ხსოვნას პატივი მიაგეს. პარალელურად კი ბელარუსის ოპოზიციის საპრეზიდენტო კანდიდატმა სვეტლანა ციხანოვსკაიამ, რომელიც ამჟამად ლიეტუვაში იმყოფება, განაცხადა, რომ რეალურად მას მხარი ამომრჩეველთა 60-70%-მა დაუჭირა.

ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ საპროტესტო აქციები მიმდინარეობს. ქვეყნის ცენტრალური საარჩევნო კომისიის მიერ გამოქვეყნებული წინასწარი შედეგების თანახმად, მოქმედ პრეზიდენტ ალექსანდრე ლუკაშენკოს ამომრჩეველთა 80,23 %-მა დაუჭირა მხარი, მისმა მთავარმა მეტოქემ, სვეტლანა ციხანოვსკაიამ კი - ამომრჩეველთა 9,9 %-ის მხარდაჭერა მოიპოვა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია